صباح الورود

صباح الورود

صفى قلبك من الضغينه ------------------قلبك موش ناقص هموم

وخليه معالك زى العجينه --------------- خليه مرن ما يكون كتوم

وقل لعدوك الله يعينه ---------------------خليك كبير ملو الهدوم

وان كنت ناوى تحب دينا --------------- متخدعهاش وتروح تعوم

كسر القلوب زى السفينه --------------لما بتغرق ملهاش علوم

وخليك صريح وقول لدينا ---------على الصراحه ومتكنشى بوووم

وخلى فى عقلك سرينه ----------ودايما خليه علطلول فى لوم

وروح شوف امك امينه ------------دى محتجالك فى كل يوووووم

وان شفت سائل متقلوش ورينا --عرض كتافك و خليك حلووووم

جارك مريض حقه علينا --------نروح نزوره ونقول له قووووووووم

ونقوله سلامتك وحق علينا ---------احنا فداك واديله وصووووم

ليه الحقد علطول هرينا -----------هتاخد ايه غير الغلقووووووم

دمهما روحنا ومهما جينا -------فى ثانيه هيقلعونا الهدوووووم

نفسنا بيدخل وممكن ما يجينا --- صحصح وفوق لتكون معدوم

انى لا اكذب ولا اتجمل

انى لا اكذب ولا اتجمل
على حسب اتفقنا
بكره هجيلكم لباب بيتكم 
واطلب ايديكى من ابوكى 
وهاجيب دقيقنا يعجن بزيتكم
والملح عليا والعيش عليكم
لا عندى شقه ولا عندى عربيه
انا فقير بس شاريكم
ولا باقول رومانسى زى الافنديه
ولا هبوس ايديكم ولا هتحايل عليكم
ولا تعرف الشوكه ولا السكينه ايديه
انا باكل بايدى والطبليه تناديكم
وابويه طربى وامى تقيه
ودى حالتنا وموش هاكذب عليكم
وعليتكم هاى وانتى غنيه
وكمان جميله واتشرفت بيكم
وان كنتى حبيتى العلم اللى فيه
فالعلم لوحده مياكلشى معاليكم
وان كنتى حبيتى الشهم اللى بيه
فانا حبيتكم علشان ماضيكم
هيه اجيلكم بكره ولا اصبر شويه
هافضل فاكريكم ولا ناسيكم
ودى رسالتى وردى عليه
ومنتظر ردكم
الله يخليكم

مجروحين ----------------(كلمات هادفه)

مجروحين ----------------(كلمات هادفه)
مجروحين يا زمن ومهمومين 
والجرح منا ف بعضنا 
مجروحين واحنا اصلا تعبانين 
وتعبنا جاى من اهلنا
مطعونين والدم بقه فينا حزين
والطعنه جايه فى ظهرنا
تعبنين والناس تقول غدر السنين
والسنين والزمن مالهم بنا
طب ليه بنعملهم شماعه وكمين
وعوزين نعلق عليهم اخطاءنا
مجروحين والنار متكلشى مؤمنين
واحنا اللى بناكل بعضنا

مجروحين وادى اب بيفرق بين الولاد
والمفروض يكون قدوه لنا
مظلومين وادى عم ما يعرف رب العباد
وغاسل اياديه مننا
مهمومين وادى خال ولا يعرف ريحة الوداد
ولا كانه اخ لامنا
مجروحين وادى اخ مفروض لينا الكبير
وكبيرنا واكل حقنا
مجروحين و ادى جار ملح وحصير
وبخون فى عيشنا وملحنا
وادى صاحب تقول عليه قطه وامير
والقطه مخربشه قلبنا
وادى وصديق تقول عليه مصباح منير
وفكره يغتصب ازاى بنتنا

مجروحين وان فضلنا على هذا الحال كثير
يا الف رحمه عينا كلنا